BARNEIDRETT Haust 2014 (trykk på lenka «Haust 2014» for å åpne barneidrettsprogrammet)
Barneidrettsgruppa har laga ein samla oversikt over organiserte aktivitetar HIL har for barn mellom 6 og 11 år, inkludert fotballtreningane fotballgruppa har for miniputtane.
Ein tysdag er det friidrett i Moane med 60m, ball, kule og lengde. Desse dagane kan vaksne også vere med å prøve seg på idrettsmerket!
Me har, i hovudsak, aktivitetar måndagar og onsdagar, men også eit par tysdagar fram til fotballtreningane er slutt. I haust vert det friidrett, orientering, fotball, gymsalaktivitetar og balltrening. Alle velgjer sjølv kva ein ynskjer ungane skal delta på, men me oppmodar alle om å prøve ulike aktivitetar!
ALLE SOM DELTEK MÅ VERE MEDLEM I HAFSLO IDRETTSLAG!
Det er ikkje påmelding for å vere med på barneidrettsaktivitetar, og det er gratis å delta. Men sidan barneidretten er dugnadsbasert, treng me hjelp frå foreldre som kan vera medhjelparar på ulike aktivitetar. Ynskjer difor tilbakemelding frå dykk foreldre om kva de kan tenkje dykk å vera med på. Alle kan bidra med noko!
Det vil i hovudsak vera nokon frå særgruppene som har hovudansvaret for aktivitetane. Det er såleis ikkje noko å kvi seg for å vere medhjelpar. Det kan t.d. vere å henge opp postane på natursti eller hjelpe til på ulike øvingar i gymsalen.
Send gjerne SMS eller mail til Tonje Bremer på tlf 98 42 74 24 eller epost: t.bremer@online.no og gje beskjed om at de vil hjelpe til på ulike aktivitetar.
OBS! Me brukar av og til bilete frå barneidrettsaktivitetar i HIL-aviser og på heimesida. Om de ikkje ynskjer at me skal nytte bilete av dykkar ungar, så gi beskjed! (Det vert ikkje brukt namn i tilknytning til bileta)
Eventuelle endringar i programmet vert lagt ut på heimesida til HIL: www.ny.hafslo-il.no
NB! Barn 0-5 år har eigen tid i gymsal tysdagar kl 17.00-18.00 til frie aktivitetar.
Me håpar på ein flott haust med mange aktive ungar!
Barneidrettsgruppa
Tonje Bremer, Marita Linde, Anne Sandøy, Jorunn Sekse, Jørgen Ulrik Berg, Per Birger Lomheim og Pål Iversen.